31, მარტი 2020 13:50:00
აჭარის ჯანდაცვის მინისტრი ზაალ მიქელაძე კიდევ ერთხელ მოუწოდებს მოსახლეობას სახლში დარჩენისკენ. მისი თქმით, მოწოდება "დარჩი სახლში" არ ნიშნავს მხოლოდ სამსახურში არ წასვლას, ან ქუჩაში გადაადგილების შეზღუდვას.
"ნუ გაიგებენ, რომ "დარჩი სახლში“ ნიშნავს სამუშაოზე არ წახვიდე, მაგრამ იარო მეზობლებში ყავაზე, დაბადების დღეებზე და ა.შ... სანამ ამას არ მიხვდება ჩვენი ხალხი, მანამდე უნდა იცოდნენ რომ ეს რისკი ექნება ყველას. არა ბატონო, უნდა დარჩე სახლში და მეზობელთან არ იარო," - აცხადებს ზაალ მიქელაძე.
წყარო: გამოცემა "ბათუმელები"