02, აპრილი 2020 17:09:00
ბათუმის ინფექციურ საავადმყოფოში გადაყვანილი შვიდი საეჭვო სიმპტომების მქონე პაციენტიდან ხუთის ანალიზის პასუხი ცნობილია. მათ კორონავირუსი არ დაუდასტურდათ. ორის პასუხს უახლოეს საათებში ელოდებიან.ამ დროისათვის, ბათუმში კორონავირუსით რვა პაციენტი მკურნალობს, აქედან ერთმა შესაძლოა კლინიკა დღეს დატოვოს. პირველი ტესტის პასუხი ინფექციაზე უარყოფითია, პროტოკოლის მიხედვით განმეორებით ტესტსაც ჩაუტარებენ, იგივე შედეგის შემთხვევაში კი გამოჯანმრთელებული პაციენტი იზოლაციაში გადავა. მედიკოსების თქმით, გარკვეული გაუმჯობესება დაეტყო მძიმე მდგომარეობაში მყოფ პაციენტსაც, რომელიც მართვით სუნთქვაზეა. სტაბილურია მედდის მდგომარეობაც, ის პაციენტისგან დაინფიცირდა.