ხულოს მერიაში თანამშრომელებმა პრემია აიღეს - ამის შესახებ ინფორმაცია TV25.GE-ს უწყების ერთ-ერთმა თანამშრომელმა აცნობა. ინფორმირებული წყარო გვიყვება, რომ თანხა ამჯერად 17-მდე დასაქმებულს ჩაერიცხა. მათ შორისაა მუნიციპალიტეტის მასმედიასა და საზოგადოებასთან ურთიერთობის განყოფილების უფროსი.
ნური გორგაძე საკითხის გარკვევას დილით დაგვპირდა, თუმცა მას შემდეგ ჩვენს სატელეფონო ზარებს არ პასუხობს. TV25.GE-ს ზარებს არც მუნიციპალიტეტის პირველი პირი და მოადგილეები პასუხობენ.
ჩვენს ზარებს არც ხულოს საკრებულოს თავჯდოამრე პასუხობს.
კანცელარიის თანამშრომელი, რომელსაც ჩვენი წყაროს ინფორმაციით პრემია ჩაერიცხა უწყების პრესცენტრისკენ გადაგვამისამართა. გურანდა თავართქილაძემ არც უარყო და არც დაადასტურა, რომ დასაქმებულებმა პრემია მიიღეს.
TV25.GE-ს ამ თემაზე მუშაობას აგრძელებს და დამატებით ინფორმაციას მხარეთა პოზიციების მიღებისთანავე შემოგთავაზებთ.
8
_2.jpg)
s
s
s