26, მაისი 2017 17:07:00
მუსლიმებმა ღია ცის ქვეშ მეჩეთი გახსნეს. გენერალ აბაშიძის 49 ნომერში, სპეციალურად მოწყობილ სცენასთან სიმბოლურად წითელი ლენტიც გაიჭრა. პარასკევის ტრადიციული ლოცვა დღეს სწორედ ამ ტერიტორიაზე შესრულდა. ორგანიზაცია „ქართველ მუსლიმთა კავშირის“ ხელმძღვანელის თქმით, ვიდრე ბათუმის მერია მეჩეთის მშენებლობის ნებართვას არ გასცემს, ლოცვა ღია ცის ქვეშ შესრულდება. ტარიელ ნაკაიძე ბათუმის მერიის გადაწყვეტილებას პოლოტიკურად მოტივირებულს უწოდებს და აცხადებს, რომ მიმდებარე ტერიტორიაზე რამდენიმე ეკლესია მდებარეობს, მეჩეთის მშენებლობა კი შეგნებულად ფერხდება. ლოცვაზე აჭარის მთავრობის წარმომადგენლებიც იყვნენ მიწვეულები, თუმცა ნაკაიძის თქმით, მათთან არავინ მივიდა.