06, აპრილი 2020 21:20:00
მოძრავი მობილური ლაბორატორია ფერმერებისთვის. საუბარია ექსტენციის მობილურ ლაბორატორიაზე, რომლის საშუალებითაც მოხდება ნიადაგის აგროქიმიური ანალიზი და მავნებელ დაავადებათა იდენტიფიცირება. სიახლე წელს პირველად დანერგა აჭარის სოფლის მეურნეობის სამინისტრომ. ნიადაგის პირველი აგროქიმიური ანალიზი დღეს ქობულეთში, სოფელ გვარაში გაკეთდა. აჭარის სოფლის მეურნეობის სამინისტრო წელსაც აგრძელებს ქვეპროგამას აგრარული ექსტენციის მიმართულებით. დღეს, ექსტენცია თხილის კულტურის მოვლა-მოყვანის შესახებ ასევე ქობულეთში, სოფელ გვარას მეთხილე ფერმერებს მიეწოდა.