07, მაისი 2020 17:30:00
აჭარის განათლების, კულტურისა და სპორტის მინისტრი, შუახევისა და ხულოს მუნიციპალიტეტების რესურსცენტრების თანამშრომლებს შეხვდა და სკოლებში არსებულ ვითარებას ადგილზე გაეცნო. მაია ხაჯიშვილმა, დისტანციური სწავლების შესახებ სრული ინფორმაცია მიიღო, არსებულ გამოწვევებსა და მათი გადაჭრის გზებზე ისაუბრა. შეხვედრაზე მინისტრმა ყურადღება გაამახვილა ონლაინ სწავლების პროცესში პედაგოგების ჩართულობის, მათი მნიშვნელოვანი როლის შესახებ და მადლობა გადაუხადა მასწავლებლებს უმოკლეს დროში გაწეული დიდი შრომისთვის და მომავალი თაობის მხარდაჭერისთვის.