10, მაისი 2020 21:30:00
გავიხსენოთ ხაჭაპურის მომზადების ერთ–ერთი ძველი მეთოდი. შეგიძლიათ მიირთვათ მოხარშულიც და შემწვარიც.
- რეცეპტის ინგრედიენტები
- 200 გრამი ხაჭო
- 1 ცალი კვერცხი
- 50 გრამი კარაქი
- 100 გრამი იმერული ყველი
- 230 გრამი ფქვილი
- 1 ჩ/კ არაჟანი
- მარილი გემოვნებით
- რეცეპტის მომზადების საფეხურები
- 1 თასში აურიეთ 200 გრ ხაჭო და 1 ცალი კვერცხი.
- 2 დაუმატეთ 100 გრ ფქვილი და მარილი (გემოვნებით). კარგად აურიეთ.
- 3 დაუმატეთ დაფშვნილი იმერული ყველი, 1 ჩ/კ არაჟანი, 30 გრ კარაქი და კარგად აურიეთ.
- 4 შეურიეთ კიდევ 60–70 გრ ფქვილი და მოზილეთ ცომი, შეაზილეთ ფქვილი საჭიროების მიხედვით, უნდა მიიღოთ რბილი ცომი.
- 5 ცომისაგან ხელით პატარ–პატარა გუნდები გააკეთეთ და ოდნავ გააბრტყელეთ. ცომი დაახლოებით 10–12 ცალ ხაჭაპურზე გეყოფათ.
- 6 ხაჭაპური მარილიან მდუღარე წყალში მოათავსეთ.
- 7 დაუწიეთ გაზქურას და ხაჭაპური 5–6 წუთით ხარშეთ.
- 8 მიირთვით ცხელი კარაქთან ან არაჟანთან ერთად.
- 9 მოხარშვის შემდეგ ხაჭაპური შეგიძლიათ შეწვათ. ტაფაზე მოათავსეთ 20 გრ კარაქი და ცოტაოდენი ზეთი და დაალაგეთ მოხარშული ხაჭაპურები. წვით საშუალო ტემპერატურაზე ორივე მხარეს. მიირთვით ცხელი.