11, მაისი 2020 10:50:00
ბათუმის 13 საჯარო სკოლაში მზის ელექტროსადგური დამონტაჟდება. სკოლები აღნიშნული პროექტისთვის საქართველოს ენერგეტიკის განვითარების ფონდისა და ლიტვური კომპანიის Via Solis-ის გრანტის ფარგლებში 502 000 ევროთი დაფინანსდებიან.
მზის ელექტროსადგურის ჯამური სიმძლავრე 327 კვტ-ია. მზის ენერგიაზე გადასვლა საგრძნობლად შეუმცირებს სკოლებს გადასახადებს. გარდა ამისა, მზის ენერგიას ბევრი მნიშვნელოვანი უპირატესობა აქვს. ყველაზე მნიშვნელოვანია, რომ ის კლიმატის ცვლილებას ხელს არ უწყობს და ანაცვლებს პლანეტისთვის უფრო მავნე ელექტროენერგიის წყაროებს. საქართველოში მზისა და ქარის ენერგიაზე მუშაობა არც ისე გავრცელებულია.
სკოლების მზის ენერგიაზე გადასვლამ კი შესაძლოა, ხელი შეუწყოს კლიმატის ცვლილებასთან დაკავშირებული პრობლემების გაცნობიერებას.