15, მაისი 2020 10:01:00
ინგრედიენტები: მომზადების დრო: 2 საათი | რაოდენობა: 25 ცალი
- 150 მლ. რძე
- 42 გრ. დროჟი
- 100 გრ. შაქარი
- 220 გრ. კარაქი
- 2 ცალი კვერცხი
- 1 შეკვრა ვანილი
- 1 ჩაის კოვზი მარილი
- 500 გრ. ფქვილი
- 50 გრ. ყავისფერი შაქარი
- 2 სუფრის კოვზი დარიჩინი
- 3 სუფრის კოვზი შაქრის ფანტელები (თავზე მოსაყრელად)
მომზადების პროცესი:
პირველი ნაბიჯი: გამთბარ რძეს დავამატოთ დროჟი და სულ ცოტა შაქარი.
მეორე ეტაპი: 120 გრ. კარაქი დავკეპოთ და შევურიოთ გამთბარ რძეს. ვამატებთ 1 ცალ კვერცხს , ვანილსა და მარილს, ამავდროულად ვურევთ. შემდეგ ვამატებთ ფქვილს და მიღებულ ცომის მასას დაახლოებით 10 წუთის განმავლობაში ვზელთ.
კარგად მოზელილ ცომს სველ ტილოს ვაფარებთ და ველოდებით 40 წუთის განმავლობაში მის ამოსვლას.
ეტაპი მესამე: ცომი უნდა იყოს დაახლოებით 3 მილიმეტრი სიმაღლისა და 30 სმ. სიგანის, როდესაც მას გადავახვევთ, დაახლოებით ისე როგორც რულეტის მომზადებისას. დარჩენილ კარაქს გავალღვობთ და ფუნჯის დახმარებით თავზე გადავუსვამთ. ცომს ერთ გრძელ მასათ გადავახვევთ და 25 ნაწილად დავყოფთ. სანამ გამზადებულ ნამცხვრებს ღუმელში შევდებთ, კიდევ 60 წუთი ველოდებით რომ ცომი კარგად ამოვიდეს და ლოკოკინის ფორმა მიიღოს. (ცომის მასა ამ დროში უნდა გაორმაგდეს.)
მეოთხე ეტაპი :ღუმელი გვაქვს 200 გრადუსზე, რომელიც წინასწარ კარგად გავაცხელეთ. დარჩენილი ერთი ცალი კვერცხი ავთქვიფოთ და „ლოკოკინა ნამცხვრუკებს“ თავზე მოუსვათ. შემდეგ მოვაყაროთ შაქრის მსხვილი ფანტელები და 10 წუთის განმავლობაში გამოვაცხოთ. გავაცივოთ და გემრიელადმივირთვათ!
და ბოლოს ტრადიციული რჩევები გურმანებისაგან: ამ გემოს მქონე „დარიჩინის ლოკოკინებს„ მიირთმევენ ყავასთან ან ჩაისთან ერთად! ასევე შეგიძლიათ ასიამოვნოთ თქვენს პატარას და მიართვათ საუზმეზე რძესთან ერთად. ბევრი ამ ნამცხვარს ლუდთან ერთადაც კი მიირთმევს! გისურვებთ გემრიელ დარიჩინის ნამცხვრებსა და ხალისიან დღეს!
სტატია TV25.GE-სთვის ნანული კიკაჩეიშვილმა https://Rezepte.de-ზე დაყრდნობით მოამზადა.