18, მაისი 2020 17:30:00
მაღალმთიან აჭარას კიდევ ერთი ახალი ტურისტული ლოკაცია შეემატება. რეგიონში, ჩირუხის განვითარებაზე მუშაობა უკვე დაწყებულია. აჭარის ტურიზმის დეპარტამენტი პროექტით შუახევის მუნიციპალიტეტში ახალი ტურისტული მიზიდულობის ცენტრის შექმნას გეგმავს. ამ ეტაპზე, ჩირუხის მთის ტურისტული განვითარების კონცეფციის დამუშავება მიმდინარეობს, რომლის შემდეგაც ტურისტული პროდუქტის ინფრასტრუქტურული პროექტი, ასევე მისი მართვისა და მენეჯმენტის გეგმა მომზადდება. ტერიტორია ზღვის დონიდან 2 ათას 50 მეტრზე მდებარეობს. შესაბამისი ინფორმაცია, ვიდეო-მასალასთან ერთად, აჭარის ტურიზმისა და კურორტების დეპარტამენტმა მოგვაწოდა.