20, მაისი 2020 17:10:00
უმაღლესი საბჭოს ბიუროს გადაწყვეტილებით, 2019 წლის რესპუბლიკური ბიუჯეტის შესრულების წლიური ანგარიში ხვალ, პლენარულ სხდომაზე განიხილება. მას ფინანსთა და ეკონომიკის მინისტრი ჯაბა ფუტკარაძე წარადგენს. გარდა ამისა, სხდომაზე აჭარის განათლების მინისტრსაც მოუსმენენ. „მინისტრის საათის“ ფორმატში, მაია ხაჯიშვილი დეპუტატებს ანგარიშს წარუდგენს. პლენარულ სხდომაზე ასევე, საზოგადოებრივი მაუწყებლის აჭარის ტელევიზიისა და რადიოს მრჩეველთა საბჭოს 2019 წლის საქმიანობის ანგარიშსაც მოისმენენ. ბიუროს სხდომას პროტესტის ნიშნად ნაციონალური მოძრაობის წევრები არ ესწრებოდნენ.