მეთორმეტე კლასელებისთვის სასწავლო პროცესი დასრულდა. წელს, პირველად, ბოლო ზარი ცარიელ სკოლებში, მოსწავლეების გარეშე დაირეკა. მასწავლებლები და სკოლის ადმინისტრაცია დამამთავრებელი კლასის მოსწავლეებს სკოლის დასრულებას ონლაინ ულოცავენ. სწავლის დასრულება მე-12 კლასელებს განათლების მინისტრმაც მიულოცა. „თქვენ გამორჩეული თაობა ხართ და მჯერა, ასეთივე განსაკუთრებულ მომავალს შექმნით“, – ამბობს მიხეილ ჩხენკელი თავის წერილობით მიმართვაში, რომელიც სამინისტრომ დღეს გაავრცელა. ჩხენკელის განმარტებითვე, აბიტურიენტებისთვის „ტელესკოლის“ ფარგლებში განკუთვნილი სპეციალური გაკვეთილები 15 ივნისამდე გაგრძელდება. შეგახსნებეთ, კორონავირუსის პანდემიის გამო საგანმანათლებლო დაწესებულებებში სასწავლო პროცესი 2 მარტს შეწყდა და სექტემბერამდე არ განახლდება.
6
s
s
s