26, მაისი 2020 17:30:00
„კატასტროფის ცენტრის“ სამედიცინო პერსონალს, რომლებიც „ცხელ წერტილში“ მუშაობდნენ და კარანტინში მოხვდნენ, ხელფასს არ უხდიან. სადაო 3 კვირიანი პერიოდია. ამის შესახებ ბრიფინგზე „ექიმთა უფლებების დაცვის ორგანიზაციის“ თავმჯდომარემ ისაუბრა. სალომე ლოლუას თქმით, ექიმები მოლოდინის რეჟიმში არიან, წინააღმდეგ შემთხვევაში დავა სასამართლო წესით მოუწევთ. მისივე განცხადებით, 30 ადამიანი იმყოფებოდა კარანტინში, კოვიდ ინფექცია კი 5 მათგანს დაუდგინდა, თუმცა მათზე თანხას არ გასცემენ. ლოლუა ჯანდაცვის სამინისტროს მიმართავს, დაურიცხონ მედიკოსებს კუთვნილი ანაზღაურება.