26, მაისი 2020 17:40:00
შეზღუდვებით, თუმცა ეტაპობრივად განაახლებენ სარიტუალო მომსახურებას ქორწინების სახლები. გამომდინარე იქედან, რომ ქორწილების გადახდა ათკაციანი შემადგენლობითაა ნებადართული, იუსტიციის მინისტრმა იმ პირების ჩამონათვალი განსაზღვრა რომლებიც შესაძლოა ხელის მოწერის რიტუალს დაესწრონ. თეა წულუკიანის ბრძანებით, დასაშვებია დასაქორწინებელ პირებთან ერთად იმყოფებოდნენ მხოლოდ მათი მშობლები, მოწმეები და ერთი ფოტოგრაფი. აუცილებელია სოციალური დისტანციის დაცვაც.