01, ივნისი 2020 17:45:00
ბათუმში, თურქეთის საკონსულოსთან, მინდია გორაძის იგივე ლავასოღლის ახლობლებმა საპროტესტო აქცია გამართეს. ისინი კრიმინალური ავტორიტეტის, თურქეთის ციხიდან საქართველოში ექსტრადიციას ან მესამე ქვეყანაში გადაყვანას ითხოვენ. ოჯახის წევრების თქმით, გორაძის დაკავებიდან ერთ წელზე მეტი გავიდა, ქართულ მხარეს კი თურქეთისთვის დაკავებულის გადმოცემა არ მოუთხოვია. როგორც ლავასოღლის ადვოკატმა განმარტა, მან ვერ მიიღო პასუხი კითხვაზე, თუ რატომ არ ხდება გორაძის გათავისუფლება ან სხვა ქვეყანაში გადაყვანა. ალექსანდრე კობაიძის თქმით, ვიდრე პასუხი არ ექნებათ, აქცია არ დასრულდება. ლავასოღლის საქმეს სტამბოლის სასამართლო 4 ივნისს განიხილავს.
40
s
s
s