01, ივნისი 2020 21:13:00
კორონავირუსის პანდემიამ მთლიანად შეცვალა ბავშვებისა და მოზარდების ცხოვრება. მას შემდეგ, რაც სკოლები და ბაღები დაიხურა, სწავლება დისტანციურად მიმდინარეობს. მეგობრობამ და ადამიანებთან ურთიერთობამ კი ონლაინ ჩატებსა და ვიდეო ზარებში გადაინაცვლა. როგორ ეჩვევიან ისინი ახალ რეალობას და როგორ შეიცვალა მათი ცხოვრება?
გაჩერებული ატრაქციონები ბათუმის ცენტრალურ პარკში, ვიზიტორებისთვის დაკეტილი ზოოპარკი და საბავშვო ღონისძიებებისგან თავისუფალი ქალაქი - ბავშვთა დაცვის საერთაშორისო დღემ წელს უჩვეულოდ ჩუმად ჩაიარა. მიუხედავად ამისა, ქალაქის ცენტრალურ პარკს პატარები მაინც მრავლად ესტუმრნენ.
როგორც აღმოჩნდა, პატარებს, პანდემიის არსი, იმდენად კარგად აქვთ გააზრებული, რომ დღეს, საბავშვო ღონისძიებების არ არასებობა მაინცადამაინც არ გაკვირვებიათ. როგორია მათი თვალით დანახული კორონავირუსი? როგორი წარმოუდგენიათ იგი და რას აკეთებენ პანდემიის დროს? პასუხები საკმაოდ განსხვავებული აქვთ.
იმის გამო, რომ ბოლო თვეების განმავლობაში უფორსებთან ერთად კორონავირუსის შესახებ ინფორმაციის ძალაუნებური მსმენელები პატარებიც გახდნენ, პანდემიამ გავლენა იქონია მათ ყოველდღიურობაზეც. მშობლებს ხშირად ვირუსთან დაკავშირებული შეკითხვებით მიმართავენ, თემატიკა გადმოიტანეს სახატავ რვეულებში.
რატომაც ვერ დაიგეგმა გასული წლების მსგავსად 1 ივნისისთვის საბავშვო ღონისძიებები, მიზეზი ობიექტური და ყველასათვის გასაგებია, თუმცა ბავშვთა დაცვის საერთაშორისო დღე ადრესატებს მხოლოდ ქალაქის მერმა დღეს დილით გამართული ბრიფინგიდან ს მიულოცა.