02, ივნისი 2020 18:03:00
როგორ აგროვებს ბერი ასიათასობით ლარს უძრავი ქონების შესაძენად? ან სჭირდება თუ არა მას კეთილმოწყობილი სახლ-აგარაკი - ამ სათაურით კვლევას ორგანიზაცია "აი ფაქტი" ავრცელებს. გამომძიებელ ჟურნალისტთა გაერთიანება ბათუმისა და ლაზეთის მიტროპოლიტის უძრავ ქონებას ასაჯაროვებს. კვლევაში წერია, რომ სჯულის კანონის თანახმად, ბერს საკუთრებაში ქონება არ უნდა გააჩნდეს. ამის მიუხედავად, დიმიტრი შიოლაშვილი ფლობს: სასოფლო-სამეურნეო მიწას წილკანში, მიწას ორი შენობა-ნაგებობით ყაზბეგში, ბინას ვაკეში, რომელიც მალევე გააჩუქა. პატრიარქის ძმიშვილი მიტროპოლიტი, ხელმძღვანელობს რამდენიმე ორგანიზაციას. კვლევას გამოეხმაურა ბათუმისა და ლაზეთის ეპარქიის პრესსპიკერი. იოანე გორელიშვილი აცხადებს, რომ მასში უზუსტობებია.