ნინო არის 21 წლის სტუდენტი, რომელიც უკვე ორი წელია გერმანიაში ცხოვრობს და თავის ევროპელ მეგობრებსა თუ ნაცნობებს ულამაზესი საქართველოს შესახებ უამბობს. მის მიერ დაგეგმილი ტურის საშუალებით, ბათუმს 50-მდე ტურისტი ესტუმრა.
გთავაზობთ სპეციალურად TV 25-ისათვის მომზადებულ ინტერვიუს, სადაც გავიგებთ, თუ როგორ არწმუნებს 21 წლის ქართველი გოგონა უცხოელებს, რომ თავიანთი შვებულება საქართველოში გაატარონ.
ნინო, როგორ მოხვდით გერმანიაში და ვინ იყვნენ პირველიტურისტები, რომლებიც საქართვეოლოში გამოაგზავნეთ?
გერმანიში ე.წ. ოპერის პროგრამით წამოვედი. გამიკვირდა, რომ საქართველოს შესახებ ცოტა რამ თუ სმენოდათ. ზოგიერთს რუსეთიც კი ეგონა და ვბრაზობდი ხოლმე. გერმანელებს ზოგადად, მეორე მსოფლიო ომის შემდეგ , აღმოსავლეთ ევროპის მიმართ ინტერესი გაუქრათ და მათთვის, რატომღაც ყველაფერი რუსეთთან ასოცირდება, რაც ძალზედ სამწუხაროა. ამიტომაც გადავწყვიტე, რომ ჩემი წილი შემეტანა ამ საქმიანობაში და დავიწყე მათთვის საქართველოზე მოყოლა. რაც შეეხება პირველ ტურისტებს, რომლებიც საქართველოში, კონკრეტულად კი ბათუმში გამოვგზავნე, ეს ჩემი მასპინჯელი ოჯახი გახლდათ.
შეგიძლიათ გვითხრათ რატომ მაინცადამაინც ბათუმი?
დავიწყებ იმით, რომ ბათუმი ძალიან მიყვარს და თავადაც სიამოვნებით ვსტუმრობ ხოლმე ამ ქალაქს. ამას გარდა ,ვფიქრობ, რომ ბათუმს აქვს განსაკუთრებული სილამაზე, რომელიც ტურისტებს ძალიამ მოსწონთ და ჩემი აზრით, ამ ქალაქს დიდი პერსპექტივა აქვს, იმაზე დიდი, ვიდრე ჩვენ წარმოგვიდგენია.
თქვენ 50-მდე ტურისტი ახსენეთ, საიდან გაქვთ ეს კონტაქტები და როგორ ახერხებთ მათ დარწმუნებას?
ზოგადად, საკმაოდ სოციალური ვარ და ადამიანებთან ურთიერთობა ძალიან მიყვარს. შესაბამისად მყავს ბევრი ნაცნობი და მეგობარი. გამომდინარე იქედან, რომ ვარ ბლოგერი, რამოდენიმე ათასი გამომწერით ინსტაგრამზე, ეს მაძლევს საშუალებას, რომ საზოგადოებას სოციალური მედიის საშუალებითაც მივაწოდო ინფორმაცია. სასწავლებელშიც საკმაოდ აქტიური ვარ და აქედან გამომდინარე კონტაქტების ნაკლებობას ნამდვილად არ ვუჩივი. თავისუფალ დროს კი სამოდელო კარიერას ვუთმობ, სადაც მაქვს შესაძლებლობა მოვყვე საინტერესო საქართველოსა და ბათუმის ზღაპრულ სანაპიროებზე, სადაც გემოვნებიანი მუსიკა და უზარმაზარი ტალღების გასაოცარი სანახაობაა.
საინტერესოა, კმაყოფილი რჩებიან თუ არა სტუმრები და რა სახის კომენტარებს ისმენთ მათგან?
მათ მოსწონთ სუფთა სანაპიროები, ხარისხიანი მუსიკა, კრეატიულად მოპირკეთებული ქუჩები, გემრიელი სამზარეულო და რა თქმა უნდა ქართველი ხალხი, რომელთაც ასევე ძალიან უყვართ უცხოელები.
ერთადერთი რაც პრობლემას წარმოადგენს არის ინფრასტრუქტურა, ჩემი აზრით უფრო მეტი ინვესტიციაა საჭირო, მხოლოდ ცენტრი კი არა მთლიანად ქალაქი უნდა გახდეს ევროპულ დონეზე მოპირკეთებული და კომფორტული და არა მხოლოდ ტურისტთათვის, არამედ ადგილობრივი მაცხოვრებლებისათვის.
ნინო, როგორ ფიქრობთ, განსაკუთრებით რა მოსწონთ ტურისტებს ბათუმში?
ბათუმი თანამედროვე ქალაქია, სადაც ხელოვნება იგრძნობა. ფოტოები, რომლებსაც აღფრთოვანებულები მიგზავნიან ხოლმე, ეს არის უზარმაზარი ტალღები ან ქვებით მოპირკეთებული ქუჩები. ხშირად ფერადად მოხატული კედლები, საოცარი სანაპირო და ფერადი ადამიანები. კიდევ ერთხელ აღვნიშნავ , რომ გემოვნებიანი მუსიკა დიდ როლს თამაშობს. აღარაფერს ვამბობ ქართულ სამზარეულოზე და იმაზე, რომერთხელ დაბადების დღე აჭარულ ხაჭაპურში ჩარჭობილი სანთლებით მომილოცეს.
რას უსურვებდით საქართველოს?
ჩემი ყველაზე დიდი სურვილია, რომ მსოფლიოში იცოდეს ამ ლამაზი ქვეყნის შესახებ და როდესაც ვიტყვი, რომ ქართველი ვარ, დაბნეული თვალებით არ მიყურებდნენ. საქართველოს კი ვუსურვებ, წარმატებებს და ეკონომიკურ სიძლიერეს.
სტატია TV25.GE-სთვის ნანული კიკაჩეიშვილმა მოამზადა.