04, ივნისი 2020 17:00:00
მეფუტკრე პაპის მეფუტკრე შვილიშვილი და ერთი სკით დაწყებული ბიზნესი. ახლა უნდა გიჩვენოთ რეპორტაჟი თაფლის წარმოების ტექნოლოგიებზე და გაგაცნოთ 29 წლის გიორგი ქობულეთიდან, რომელიც სკებს უკვე 10 წელია უვლის. ვნახოთ ნიგო ცეზარიშვილის მიერ მომზადებული რეპორტაჟი.
სოფელ ლეღვაში რესულ კაკალაძის მიერ 70 წლის წინ დაწყებულ ოჯახურ ტრადიციას ახლა მისი შვილთა შვილი აგრძელებს. მეფუტკრეობა გიორგის საყვარელი საქმეა. იგი ბაბუისგან შეისწავლა.
კაკალაძეების ოჯახი ახლა თაფლის ხილვის პროცესითაა დაკავებული. ეს კი, 2-ჯერ, გაზაფხულსა და შემოდგომაზე ხდება. მეფუტკრე ამჯერად მაისის თაფლის წარმოების ტექნოლოგიაზე გვიამბობს
ახალგაზრდა ფერმერს ფუტკრის ოჯახები ღალაზე ყოველ ზაფხულიდან-შემოდგომამდე პერიოდში გაყავს. პროცესში, მთავარი რასაც ითვალისწინებს, ფუტკრის უსაფრთხო ტრანსპორტირებაა. იმისთვის, რომ მოსავალი უხვი იყოს, მთასაც და ბარსაც სტუმრობენ.
ფუტკრის მოვლის პროცესში ოჯახის სრული შემადგენლობაა ჩართული. გიორგის, განსაკუთრებით დედა ეხმარება. მადონა წულუკიძეს ახლა ჩარჩოები ამოაქვს
მეფუტკრეს თაფლის წარმოების პროცესში სირთულეებს უამინდობა უქმნის.
გიორგი 10 წელია მეფუტკრეობას მისდევს. სამომავლოდ კი ერთი სკით დაწყებული ბიზნესის გაფართოებას გეგმავს.