08, ივნისი 2020 17:49:00
რეგიონში სპორტული ინფრასტრუქტურული პროექტები გრძელდება. აქტიურ ფაზაში ბათუმის უნივერსალური სპორტული კომპლექსის მშენებლობაა, რომელიც 3 ათას 400 მაყურებელზეა გათვლილი, ღირებულება კი 62 მილიონი ლარია. იქ ახლა დარბაზებსა და ტრიბუნას აპირკეთებენ. დასრულდა სკამების მონტაჟი. კიდევ ერთი პროექტის სამშენებლო სამუშაოები, რომელიც ახლა ხორციელდება, ანგისის სპორტული ბაზაა. აქ უკვე მოეწყო ორი მინდორი. მიმდინარეობს შიდა მოწყობის სარემონტო სამუშაოები. პროცესს მთავრობის თავმჯდომარე გაეცნო. შეხვედრის შესახებ ტვ 25 არ იყო ინფორმირებული. შესაბამისი ტექსტი და ვიდეო მასალა აჭარის მთავრობისპრესცენტრმა მოგვაწოდა.