მიმდინარე სამუშაოებს „ბათუმის წყლის“ გენერალური დირექტორი, მარიკა გვიანიძე ადგილზე გაეცნო. ჩაისუბნის სათავე ნაგებობა მდინარეებზე - ყოროლისწყალსა და ლეჩაზეა აგებული. მდინარეებზე მოპოვებული წყალი შემოწმების რამდენიმე ეტაპს გადის, წყალი მრავალჯერადად იქლორება, იფილტრება და სალიბაურისა და ინჯალოს რეზერვუარებში თვითდინებით გადადის, სადაც წყლის ხარისხი წყალგაყვანილობის ქსელში გაშვებამდე ხელახლა მოწმდება.