დიდი ოდენობით ქრთამის აღების ფაქტზე აჭარის გარემოს დაცვისა და ბუნებრივი რესურსების სამმართველოს, მიწის მართვის სამსახურის უფროსი დააკავეს. მასთან ერთად, ქრთამის აღებაში დახმარების ფაქტზე, დააკავეს ექსპერტიც. მას ყალბი დასკვნის გაცემა ბრალდება. გამოძიებით დგინდება, რომ ერთ შემთხვევაში დაკავებულმა, რომელიც ასევე, ხელვაჩაურის მუნიციპალიტეტის საკუთრების უფლების აღიარების კომისიის წევრია, სოფელ ჭარნალში, მოქალაქეს, მიწის ნაკვეთისა და მასზე განთავსებული შენობების საკუთრებაში აღიარებისთვის, ერთი პირის დახმარებით, ქრთამის სახით 4 ათასი აშშ დოლარი გამოართვა. მეორე შემთხვევაში კი ათასი აშშ დოლარის სანაცვლოდ, გააყალბა დოკუმენტი და მიუთითა, რომ ასაღიარებელ მიწის ნაკვეთზე განთავსებული შენობა 2002-2006 წლებში იყო აგებული. დანაშაული 7-დან 11 წლამდე თავისუფლების აღკვეთას ითვალისწინებს. გამოძიებას სახელმწიფო უსაფრთხოების სამსახურის ანტიკორუფციული სააგენტო აწარმოებს.
2
s
s
s