19, ივნისი 2020 14:42:00
ბათუმში, ქეთევან წამებულოზ ქუჩაზე სასმელი წყლის ახალი მაგისრალური ქსელის მოწყობა დასრულა პროექტი სამომავლოდ აღნიშნული ქუჩის ჩიხებსაც მოიცავს. ამის შესახებ, TV25.GE-ს „ბათუმის წყლიდან“ აცნობეს.
დასახლებაში სწრაფი ურბანიზაციის გამო არსებული ქსელი საკმარისი არ იყო. მოსახლეობას სასმელი წყალი სტანდარტის შესაბამისი წნევით მიეწოდება. პროექტი ეტაპობრივად განხორციელდება და ის ხანგრძლივ პერიოდს მოიცავს.
მარიკა გვიანიძე, „ბათუმის წყლის“ გენერალური დირექტორი: „ქეთევან წამებულის ქუჩაზე ბოლო პერიოდის განმავლობაში ურბანიზაცია, ძალიან სწრაფი ტემპით მიმდიანარეობს, არსებული წყლის ქსელი არ დარჩა საკმარისი იმისათვის, რომ მოსახლეობას ნორმალური წნევითა და ხარისხით მიეწოდოს წყალი. თვითონ, პროექტი რაც მოიცავს ქეთევან წამებულის ქუჩას და მის შემოგარენ ტერიტორიას, არის ძალიან მასშტაბური, რისთვისაც „ბათუმის წყალს“ ხანგძლივი პერიოდი დასჭირდა, ქუჩა მთლიანად დაქსელოს და მოსახლეობა მოამარაგოს უწყვეტი წყალმომარაგებითა და შესაბამისი ნორმების მიხედვით წყლის წნევით. ეტაპობრივათ მოვახდენთ მთლიანი ქეთევან წამებულის ქუჩისა და ჩიხების დაერთებას ახალ მაგისტრალურ ქსელზე“.