23, ივნისი 2020 17:31:00
ბათუმს მალე უნივერსიტეტის ახალი სასწავლო კორპუსი და ტექნოპარკი შეემატება. მიმდინარე სამუშაოები დღეს აჭარის მთავრობის თავმჯდომარემ მოინახულა. დასრულებულია სამშენებლო სამუშაოები და იწყება ინტერიერის მოწყობა. ტექნოპარკი და სასწავლო კორპუსი ფუნქციონირებას შემოდგომაზე დაიწყებს. შენობაში ტექნოპარკი და პროფესიული პროგრამების მართვის და უწყვეტი განათლების ცენტრი განთავსდება. სასწავლო კორპუსის სივრცე დაეთმობა 11 ავტორიზებულ პროფესიულ პროგრამას, რომელიც 255 სტუდენტზეა გათვლილი. თითოეული პროგრამისთვის შეიქმნება ადაპტირებული სასწავლო აუდიტორიები, ლაბორატორიები, კომპიუტერული კლასები, ბიბლიოთეკა, სამკითხველო დარბაზები. ასევე, მოეწყობა ტრენინგ-ცენტრი. ტექნოპარკი ახალგაზრდებს მისცემს შესაძლებლობას, სახელმწიფოს მხარდაჭერით ინოვაციური იდეები განავითარონ. მშენებლობისთვის აჭარის ბიუჯეტიდან 3 მილიონამდე ლარია გამოყოფილი.შეხვედრის შესახებ ტვ 25 ინფორმირებული არ ყოფლა. შესაბამისი ტექსტი და ვიდეო მასალა მთავრობის პრესცენტრმა მოგვაწოდა.