24, ივნისი 2020 18:09:00
ე.წ „კანონიერი ქურდობის“, „ქურდული სამყაროს“ წევრობის, „ქურდული სამყაროს“ წევრისთვის მიმართვისა და „ქურდული სამყაროს“ საქმიანობის მხარდაჭერის ბრალდებით 6 პირი დააკავეს, ხოლო 4 პირი სისხლის სამართლებრივ პასუხისგებაში მისცეს. ამის შესახებ შინაგან საქმეთა სამინისტროში გამართულ ბრიფინგზე განაცხადეს. გიორგი ლილუაშვილის ინფორმაციით, მათი ნაწილი ვალის დაბრუნების მიზეზით დაწყებულ დავაში ჩაერთო, მოაწყვეს ე.წ ქურდული გარჩევა და ერთ ერთ მოდავე მხარეს 8 ათას 800 ევროს გადახდა დააკისრეს. მიმდინარეობს გამოძიება. დანაშაულები 3-დან 15 წლამდე ვადით თავისუფლების აღკვეთას ითვალისწინებს.