03, ივლისი 2020 18:03:00
კოვიდ ინფიცირების ახალი შემთხვევა აჭარაში. ვირუსი 38 წლის ქალს დაუდასტურდა. მას თურქეთიდან საზღვრის კვეთის ისტორია აქვს. ამის შესახებ ჟურნალისტებს რესპუბლიკური საავადმყოფოს კლინიკურმა მენეჯერმა განუცხადა. გიორგი კიკაბიძის თქმით, ქალი სამედიცინო დაწესებულებაში საკარანტინე ზონიდან გადაიყვანეს. ამ ეტაპზე აჭარაში სულ 3 კოვიდინფიცირებულია. ისინი მკურნალობას რესპუბლიკურ საავადმყოფოში გადიან. ცნობისთვის, რეგიონმა მწვანე ზონის სტატუსი რამდენიმე დღის წინ დაკარგა. ჯამში, აჭარაში კორონავირუსზე PCR ტესტი ჩაუტარდა 22 ათას 644 პირს. დღეს არსებული მონაცემებით კი კარანტინში იმყოფება ათას 587 პირი.