03, ივლისი 2020 20:34:00
რეგიონში მოქმედი საზღვაო სასწავლებლების წარმატებული სტუდენტები დააჯილდოდნენ. 2020-2021 სასწავლო წლის საფასური სრულად ჯამში 11 ახალგაზრდას დაუფინანსდა, აქედან 5-სთვის თანხები საკრუინგო კომპანიებმა გამოყო. ღონისძიება ბათუმის ნავიგაციის სასწავლო უნივერსიტეტში გაიმართა. შეკრებილებს სიტყვით მიმართა საზღვაო ტრანსპორტის სააგენტოს დირექტორმა. თამარ იოსელიანმა მეზღვაურის პროფესიის მნიშვნელობაზე, საზღვაო სასწავლებლების როლსა და პანდემიით გამოწვეული კრიზისის დაძლევის გზებზე ისაუბრა. დაჯილდოვების ცერემონია მეზღვაურთა დღეს მიეძღვნა.