აჭარ სოფლის მეურნეობის მინისტრი ვერ ამბობს, რატომ უცხადებს იგი TV 25-ს ბოიკოტს. ტიტე აროშიძე, რომელიიც მხოლოდ სახელისუფლებო მედიებშია წარდგენილი, ვერ აკონკრეტებს, რატომ გაურბის ჩვენი არხის პირდაპირ ეთერს. არადა კითხვები მინისტრის მისამართით უკვე მრავლადაა. სულხან მესხიძე ცდილობდა დღეს მისგან პასხუების მიღებას.
ჩვენი მაყურებელი მეოთხე თვეა, უსმენს და ხედავს იმას, რომ აჭარის მთავრობა კრიტიკულ შეკითხვებს გაურბის. დაუსაბუთებლად უარს ამბობს TV 25 პირდაპირ ეთერში მონაწილეობაზე. აჭარის მთავრობის თაჯდომარისა და მინისტრების მტკიცების მიუხედავად, დამოკიდებულება და პრაქტიკა სხვა სურათს ქმნის. ჩემსა და აჭარის სოფლის მეურნეობის მინისტრს შორის ინტერვიუ ბოლოს 13 მაისს შედგა, რა დროსაც ტიტე აროშიძემ განაცხადა, რომ პირდაპირ ეთერში მონაწილეობასა და სხვადასხვა ღონისძიების შესახებ ინფორმაციის მისაღებად თავად უნდა დავკავშირებოდით, ბუნებრივია ასეც მოვიქეცით, თუმცა იგი სატელეფონო ზარებსა და შეტყობინებას არ პასუხობდა. ვიდრე ტიტე აროშიძესთან დღეს ჩაწერილი ინტერვიუს და შეცვლის პოზიციას მოგასმენინებთ, მანამდე თვალი გადავავლოთ არქივს.
მიუხედავად იმისა, რომ ტიტე აროშიძესთან წლებია საქმიანი თანამშრომლობა გვაკავშირებს, დღეს ირონიულად გვკითხა გვქონდა თუ არა პირდაპირი ეთერი. აჭარის სოფლის მეურნეობის მინისტრმა კითხვებზე თავის არიდების მიზნით, თითი ისევ პრესცენტრისკენ გაიშვირა და შექმნილი ვითარების გადაბრალება სცადა.
ტიტე აროშიძე გვიმტკიცებს, რომ აჭარის მთავრობა TV 25-ს ბოიკოტს არ უცხადებს. მინისტრს არც იმის აღიარება არ სურს ვისგან არის ეს მითითება. დაახლოებით 15 წუთიანი ინტერვიუს დროს აროშიძემ სატელევიზიო რეიტინგები და სოციალურ მედიაში ნაკლები აქტივობა ახსენა და იმის ხაზგასმა სცადა თითქოს TV 25 სხვა მაუწყებლებთან შედარებით დაბალრეიტინგულია.
ინტერვიუს ამ ნაწილში აჭარის სოფლის მეურნეობის მინისტრს კონკრეტული მაგალითების გახსება გაუჭირდა, თუმცა ახლა შევახსენებთ, რომ საჯაროა ის მონაცემები, რომლის მიხედვითაც TV 25 წლებია რეგიონულ მედია ბაზარზე ლიდერის პოზიციას ინარჩუნებს, მათ შორის ქვეყნის მასშტაბით ერთადერთი არხია, რომელსაც სოციალურ ქსელში ყველაზე მეტი 107 ათასი გამომწერი ჰყავს. და ბოლოს გეტყვით იმას, რომ აჭარის მთავრობის თავჯდომარემ რამდენიმე თვის წინ განგვიცხადა, რომ ჩვენს შეთავაზებას პირდაპირ ეთერში მონაწილეობაზე მაშინ დათანხმდება, როცა ამის დრო და სურვილი ექნება. პირად საუბრებში პრესცენტრები აღნიშნავენ, რომ მთავრობის ბოიკოტის რეჟიმზე გადასვლა უშუალოდ თორნიკე რიჟვაძის დავალებით მოხდა.
6
s
s
s