10, ივლისი 2020 17:04:00
ბათუმში, ბულვარის ტერიტორიაზე დაჭრილი 17 წლის ბიჭი მართვით სუნთქვაზეა. მას ოპერაცია კლინიკა "მედცენტრში" უკვე ჩაუტარდა. ჭრილობა მუცლის არეში ჰქონდა მიყენებული. ექიმების ინფორმაციით, პაციენტის ჯანმრთელობის მდგომარეობა მძიმეა. შემთხვევის ადგილზე, ექსპერტ-კრიმინალისტები ამ დრომდე მუშაობენ. ბულვარში მდებარე ერთ-ერთ კაფეში დასაქმებულები აცხადებენ, რომ ახალგაზრდა შველას ითხოვდა, სასწრაფო სამედიცინო დახმარება კი მიმდებარედ მყოფმა მოქალაქეებმა გამოიძახეს. ფაქტზე შინაგან საქმეთა სამინისტრომ გამოძიება "სისხლის სამართლის კოდექსის“ 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს.
1
s
s
s