20, იანვარი 2017 08:09:00
ბათუმის გამწვანებისა და ლანდშაფტური დაგეგმარების სამსახური პროექტების საჯარო განხილვას იწყებს. პროექტების შემუშავება საზოგადოებრივი აზრის გათვალისწინებით მოხდება. სოციალურ ქსელში ეტაპობრივად წარმოდგენილი იქნება ქალაქში არსებული წრიულების ესკიზების რამდენიმე ვარიანტი. გამარჯვებული ესკიზი ხმათა უმრავლესობით გამოვლინდება და მითითებულ წრიულზე განთავსდება. ამ ეტაპისთვის, საზოგადოებას თამარ მეფის გზატკეცილზე, ,,ბათუმი ცენტრალის“ მიმდებარე წრიულის ესკიზებს სთავაზობს. სამსახურის მიერ შემუშავებული წესების მიხედვით, სასურველი ფოტო შესაბამისი ნომრით უნდა მიუთითოთ კომენტარში. ხმის მიცემა ოფიციალურ ფეისბუქ გვერდზე „მწვანე ბათუმი“-ა შესაძლებლი. ხმის მიცემა კიდევ ორ დღეს გაგრძელდება.