„Covid-19 ვირუსი და ახალი რეალობა“ - თემაზე ფორუმ თეატრი პეტრას ციხეზე, გაიმართა. თითოეულ მაყურებელს საშუალება ჰქონდა, თავადაც სპექტაკლის მონაწილე გამხდარიყო, რადგან ფორუმ თეატრი იქ მყოფებს აძლევდა შანსს, პრობლემებზე გახსნილად ესაუბრათ.
სპექტაკლი სცენაზე რამდენჯერმე გათამაშდა. პირველი მოქმედება იყო საჩვენებელი. მეორე და შემდგომი კი, უშუალოდ, პანდემიის შედეგად არსებული შეზღუდვების დროს გაჩენილი პრობლემების გადაჭრის გზების ძიებას დაეთმო. სწორედ ამ დროს გახდა მაყურებელი სპექტაკლის მონაწილე და მათ შეძლეს არსებული სურათი პოზიტიურად შეეცვალათ.
მე-20 საუკუნის ბოლოს შექმნილი ფორუმ თეატრი, სოციალური პრობლემის გადაჭრის საშუალებას წარმოადგენს. ეს არის პრატფორმა, რომელიც გაძლევთ შანსს პრობლემებზე გახსნილად ისაუბროთ და გახდეთ პოზიტიური ცვლილებების ინიციატორი.
სპექტაკლი, აჭარის კულტურული მემკვიდრეობის დაცვის სააგენტოს მხარდაჭერით, პროექტის „ერთად ჩვენი უფლებებისთვის“ ფარგლებში გაიმართა.
2
s
s
s