29, ივლისი 2020 17:29:00
აჭარაში კორონავირუსის კიდევ ერთი შემთხვევა დაფიქსირდა. ინფიცირებული, რომელიც საქართველოს მოქალაქეა, ყაზახეთიდან შემოვიდა. ბათუმის რესპუბლიკური საავადმყოფოს კლინიკური მენეჯერის, გია კიკაბიძის ინფორმაციით, მამაკაცი კარანტინში იმყოფებოდა. პაციენტი ამჟამად, კლინიკაშია გადაყვანილი, მისი ჯანმრთელობის მდგომარეობა კი სტაბილურია. ბათუმის რესპუბლიკურ საავადმყოფოში COVID19-ის დიაგნოზით სულ 16 პირი მკურნალობს. მათგან ორი პაციენტი გამოჯანმრთელდა, თუმცა დღის ბოლომდე განმეორებითი ტესტირება ჩაუტარდებათ. ისევ მძიმეა ერთი ინფიცირებულის ჯანმრთელობის მდგომარეობა.