30, ივლისი 2020 17:32:00
აჭარაში, პრეს-ინფოტურები იწყება. აგვისტოდან, გიდები, ტურისტული სააგენტოს წარმომადგენლები და ჟურნალისტები მაღალმთიან რეგიონში არსებულ ტურისტულ მარშრუტებზე გასვლით ტურებს დაიწყებენ. კინტრიშის ხეობა, ტბიყელი, ჯვარიმინდორი, კაპნისთავი, ლელთის ტბა, ჩირუხი, შუამთის ტბები, ღორჯომი, უჩხო და ნამეფვარი, იმ ტურისტულ ადგილებს შორისაა, სადაც ინფოტურის მონაწილეები იმოგზაურებენ და იქ არსებულ ტურისტულ პროდუქტებს გაეცნობიან. გარდა ამისა, საველე გასვლებისას ისინი იმ საოჯახო-სასტუმრო სახლებსა და მარნებს მოინახულებენ, რომელთა მარკირებაც წელს ხორციელდება. პროცესს ორგანიზებას აჭარის ტურიზმის დეპარტამენტის ტურისტული პროდუქტების განვითარების სააგენტო უწევს. მიზანი, შიდა ტურიზმის სტიმულირება და ახალი ლოკაციების პოპულარიზაციაა.