03, აგვისტო 2020 21:34:00
ქურდული სამყაროს წევრობისთვის საქართველოში გასამართლებულ მინდია გორაძეს, ბელარუსში 40-დღიანი საექსტრადიციო პატიმრობის ვადა ამოეწურა, თუმცა ლავასოღლის საქართველოში ექსტრადირება არ მომხდარა. როგორც მისმა ადვოკატმა, განაცხადა, შესაძლოა, ხელისუფლება ფიქრობდეს, რომ ე.წ კანონიერი ქურდის ქვეყანაში გადმოყვანა საარჩევნოდ სიტუაციას დაძაბავს. პროკურატურაში აცხადებენ, რომ "შესაბამისი სამართლებრივი პროცედურები მიმდინარეობს, თუმცა უწყების ოფიციალური პასუხიდან უცნობია, მოითხოვა თუ არა ქართულმა მხარემ მისი ექსტრადირება. ცნობისთვის, ქართულმა სასამართლომ ლავასოღლის 12 წლით თავისუფლების აღკვეთა 2018 წლის ივლისში დაუსწრებლად შეუფარდა.