05, აგვისტო 2020 21:40:00
სწავლა სკოლებსა და უმაღლეს სასწავლებლებში საკლასო ოთახებში დაიწყება. ამის შესახებ საქართველოს განათლების მინისტრმა განაცხადა. მიხეილ ჩხენკელმა პროცესის აღდგენის თარიღად 15 სექტემბერი დაასახელა. მისივე განცხადებით, დღევანდელი ეპიდსიტუაციიდან გამომდინარე, შესაბამისი სტანდარტი დაწესდება, როგორ უნდა დასხდნენ ბავშვები სკოლებში, სტუდენტები აუდიტორიებში, როგორი უნდა იყოს ეპიდსაწინააღმდეგო ღონისძიებები- ხელების ხშირი დამუშავება და პირბადეების ხმარება. კორონავირუსის პანდემიის გამო საქართველოში სასწავლო პროცესი საკლასო ოთახებში მარტიდან შეჩერებული იყო და საგანმანათლებლო სისტემა ონლაინსწავლებაზე იყო გადასული.