05, აგვისტო 2020 19:35:00
დღგ-ის ახალი რეფორმა გააცნეს ბათუმსა და ფოთში რეგისტრირებულ მეწარმეებს. ღონისძიება საქართველოს ფინანსთა სამინისტროს შემოსავლების სამსახურის ინიციატივით გაიმართა. საგადასახადო კანონმდებლობაში ცვლილებები ევროკავშირის დღგ-ის დირექტივებზე დაყრდნობით მომზადდა. შეხვედრაზე ითქვა, რომ რეფორმა ხელს შეუწყობს ქართველი და ევროპელი მეწარმეების საქმიან თანამშრომლობას, გაამარტივებს საგადასახადო ვალდებულებების შესრულებას, შეღავათებით ისარგებლებენ განათლების, სამედიცინო და სოციალურ სფეროში მოღვაწე კომპანიები.