20, იანვარი 2017 11:28:00
სოფელ თხილვანაში მცხოვრები 62 ოჯახიდან შეთანხმება მხოლოდ 7 თანაა მიღწეული. მეწყერსაშიშ ზონაში მცხოვრებლებთან მოლაპარაკებებს ჯანდაცვის მინისტრის მოადგილე რამაზ ჯინჭარაძე აწარმოებს. ადგილობრივი ხელისუფლება მათ ქირით გაყვანას და საცხოვრებელი სახლის შესაძენად 25 ათას ლარს სთავაზობს.
პარალელურად მიმდინარეობს ოჯახების აღწერა. 62 კომლიდან 30 -ის მდგომარეობა უკვე შესწავლილია. გეოლოგების დასკვნით სოფელში ცხოვრება საშიშია და სოფელში მცხოვრები ყველა ოჯახი სასწრაფოდ განსახლებას ექვემდებარება. თუმცა ადგილობრივების უმრავლესობა ხელისუფლების შეთავაზებას მაინც არ თანხმდება . ისინი მთავრობას მუდმივი საცხოვრებლის შეძენას თხოვენ.
მოლაპარაკებებში პირადად ჩაერთვება აჭარის მთავრობის თავმჯდომარე. განცხადება ზურაბ პატარაძემ დღეს გააკეთა.
სოფელ თხილვანაში მიმდინარე პროცესებს გამოეხმაურა მესამე სექტორი.”დემოკრატიის ინსტიტუტის” აღმასრულებელი დირექტორი აჭარის მთავრობას და სოფელ თხილვანას მოსახლეობას რეკომენდაციით მიმართავს. ხახუტაიშვილის განცხადებით, რომ რეგიონის მთავრობამ მაქსიმალურად სწრაფად უნდა უზრუნველყოს ოჯახების უსაფრთხო ადგილას გადაყვანა. მოსახლეობას კი მოუწოდებს კონკრეტული პირობების მოთხოვნაზე წინ, ოჯახების უსაფრთხოება დააყენონ.
სოფელ თხილვანაში საფრთხე 62 ოჯახს ემუქრება. მეწყერი 10 იანვარს გააქტიურდა. ჩამოწოლილმა მიწის მასამ მდინარის კალაპოტი ჩაკეტა.