27, აგვისტო 2020 19:18:00
ბათუმის საქალაქო სასამართლომ, აჭარის ტელევიზიის ყოფილი რედაქტორის სარჩელი არ დააკმაყოფილა. მოსამართლე ალექსანდრე გოგუაძემ გადაწყვეტილების სარეზოლუციო ნაწილის გამოცხადების შემდეგ აღნიშნა, რომ მაია მერკვილაძე, იგივე ფუნქციითა და ხელფასით განაგრძობს მუშაობას”. მოსამართლემ მაუწყებლის საინფორმაციო სამსახურს ჩამოშორებულ ყოფილ რედაქტორს ისიც უთხრა, რომ აჭარის ტელევიზიის დირექტორის მიერ მიღებულ გადაწყვეტილებას “პირდაპირი და უშუალო ზიანი” მოსარჩელისთვის არ მიუყენებია, ხოლო არსებითი დარღვევები არ გამოვლენილა. მერკვილაძე გადაწყვეტილების გასაჩივრებას აპირებს. შეგახსენებთ, 24 თებერვალს, აჭარის ტელევიზიის საინფორმაციო სამსახურის უფროსის ყოფილი მოადგილე – მაია მერკვილაძე საინფორმაციო სამსახურს ჩამოაშორეს. მას გიორგი კოხრეიძემ არ არსებული თოქ-შოუს წამყვანობა შესთავაზა. მაია მერკვილაძე ამ დროისთვის აჭარის რადიოში რედაქტორად მუშაობს.