მარშუტის აღწერა:
მარშრუტი მოიცავს სოფელ ქედის მუნიციპალიტეტის ერთ-ერთი ულამაზესი სოფლის - გობრონეთის შემოგარენში მდებარე ჩანჩქერს, კოლხური მცენარეულობით დაფარულ ტყეს და ლატევრას მთის მიდამოებს. მოგზაურობა იწყება სოფ. გობრონეთის ცენტრიდან, მიემართება ჩრდილოეთით და სოსოფლო გრუნტის გზის გაყოლებით გადადის გობრონეთის ჩანჩქერისკენ მიმავალ საცალფეხო ბილიკზე. მარშრუტზე მსვლელობის დროს თქვენ შეხვდებით აჭარისწყლის ხეობაში გავრცელებულ კოლხური ტიპის მცენარეულობას, ფერდობებზე უხვადაა წაბლი, წიფელი, რცხილა, მუხა, უთხოვარი, გვხვდება წიწვოვნებიც.
გზაზე შეიძლება წააყდეთ გარეული ცხოველების კვალსაც, რაგდან ტყეში ბინადრობს დათვი, მგელი, ტურა და სხვ. მდიდარია ფრინველთა სამყაროც. ტურისტული ბილიკი ვაკე გზას მიუყვება, მცირე მონაკვეთებში გვხდება უმნიშვნოლო აღმართები, 6 კმ ის მგზავრობის შემდეგ მივადგებით ულამაზეს ჩანჩქერს რომელსაც გობრონეთის ჩანჩქერი ეწოდება. ჩანჩქერის ვარდნის სიმაღლე დაახლოებით 20 მ-ია.
ტურისტული მარშრუტის შემდეგი პუნქტი ლატევრას მთაა, რისთვისაც ჩანჩქერიდან ვბრუნდებით იმავე გზით უკან და 200 მეტრის გავლის შემდეგ შევუდგებით ლატევრის მთის მიმართულებით სვლას. გზა რთულია და 1 კმ-ის გავლა მთლიანად მთის ციცაბო ფერდობზე გვიწევს, რომლის გავლის შემდეგ აღმოჩნდებით ლატევრაში.
აქ შეგიძლიათ გაეცნოთ ადგილობრივ სამეურნეო ტრადიციებს და დააგემოვნოთ ეკოლოგიურად სუფთა რძის ნაწარმი. აქვეა წყარო და სპიკნიკე ადგილიც. ლატევრიდან მივემართებით სოფ. გობრონეთისკენ, გზიდან შეგვიძლია დავტკბეთ წონიარისის ხეობის ულამაზესი ხედით. გზა გრუნტისაა და შესაძლებელია მაღალი გამავლობის ავტომობილით გადაადგილებაც, ხუთიოდე კილომეტრის გავლის შემდეგ წრიული მარშუტი მთავრდება და ვბრუნდებით უკან, სოფ. გობრონეთში.
აქ ფუნქციონირებს საოჯახო სასტუმროები, სადაც შესაძლებლია ღამის გათევა და ადგილობრივი ნარტურალური პროდუქტისგან დამზადებული კერძების დაგემოვნება.
ფაქტები
- სიგრძე: 12,5 კმ
- ხანგრძლივობა: 8 სთ
- სირთულე: საშუალო
- მარშრუტის ტიპი: საფეხმავლო
- გზის სახეობა: სასოფლო გრუნტის გზა, საცალფეხო ბილიკი
- მინ./მაქს. სიმაღლე ზღ. დონიდან: 806/1305 მეტრი
- მანძილი ბათუმამდე: 55 კმ
- ფიჭური ქსელების დაფარვის ზონა: სრულად
რა ნახოთ
- ლატევრას მთა
- საპიკნიკე და წყარო
2
s
s
s