10, სექტემბერი 2020 21:59:00
აჭარაში, ბოლო 24 საათის განმავლობაში, კორონავირუსის 27 ახალი შემთხვევა დაფიქსირდა. მათგან 1 ხოფის ბაზრობის მეიჯარეა, ერთი "ელიტ ელექტრონიქსი"-ს თანამშრომელი. ინფიცირების 3 ფაქტი ბათუმის სამშობიარო სახლს უკავშირდება, 2- საკონდიტრო დონას, ამდენივე - საზღვაო ნავსადგურს. კოვიდ 19 იუსტიციის სახლში მომუშავე ერთ ადამიანს დაუდასტურდა, ერთი კი სახელოვნებო სკოლის პედაგოგია. 16 შემთხვევის წყარო ჯერჯერობით უცნობია. სტაციონარში ვირუსზე 122 პაციენტი მკურნალობს.