რაც შეეხება ქვეყნის მასშტაბით არსებულ ეპიდსიტუაციას ასეთია: ბოლო 24 საათში, საქართველოში, კორონავირუსის 87 შემთხვევა დაფიქსირდა. მათგან 29 ბათუმში დაფიქსირდა, 24 ქუთაისის სკოლისას უკავშირდება, 12 დადასტურებულ შემთხვევასთან კონტაქტში მყოფი პირები არიან, 5 არის მოგზაურობის ისტორიით აჭარაში, 4 იმპორტირებულია, აქედან 3 სატვირთო ავტომანქანის მძღოლია, 3 შემთხვევა კი სამედიცინო პერსონალია. ინფექციური საავადმყოფოს სამედიცინო დირექტორის - მარინა ეზუგბაიას განცხადებით, ახალ ინფიცირებულთაგან, 10-ის წყარო უცნობია და მიმდინარეობს ეპიდკვლევა კონტაქტების გამოვლენის და წყაროს დადგენის მიზნით. ჯამში, საქართველოში, კოვიდ 19-ის 1917 დადასტურებული შემთხვევა გვაქვს. კრიტიკულად მძიმეა ოთხი პაციენტი, ხოლო სტაბილურად მძიმე 17. ეზუგბაიას თქმით, გამოჯანმრთელებულების პროცენტული მაჩვენებელი არის 71, კოვიდ ცენტრებში კი 536 ინფიცირებული მკურნალობს. თბილისის ინფექციურ საავადმყოფოში ამჟამად 23 პაციენტია მოთავსებული, აქედან 1 მძიმე, ერთი კი კრიტიკულად მძიმეა.
5
s
s
s