11, სექტემბერი 2020 21:25:00
პროტესტი ავტოსამრეცხაოს მოწყობის წინააღმდეგ. სერვისის ამოქმედბას მეწარმე ბათუმში, გორგილაძის 103 ნომერში გეგმავს. ადგილობრივები კი მას ეწინააღმდეგებიან. აცხადებენ, რომ კორპუსაა და იმ ადგილს შორის, სადაც სამრეცხაო უნდა მოეწყოს, დაშორება მხოლოდ 5 მეტრია, რაც მათ დისკომფორტს შეუქმნის, იქნება მტვერი და წყლის გუბეები. პროტესტს, მუნიციპალური სერვისების სააგენტოში ზეპირსიტვიერად უპასუხეს. თქვეს, რომ მოქალაქეების მიერ, აგვისტოში შესული შეტყობინების საფუძველზე, გადამოწმების შედეგად მშენებლობა არ ფიქსირდებოდა, ოფიციალური მიმართვის შემთხვევაში კი ტერიტორია კიდევ ერთხელ გადამოწმდება. ადგილი, რომელზეც ადგილობრივები მიუთითებენ, მოშანდაგებულია, თუმცა საინფორმაციო შინაარსის ბანრი განთავსებული არ არის. ბათუმის მერიაში ამბობენ, რომ აღნიშნულ მისამართზე, არც მშენებლობის ნებართვა მოუთხოვიათ და შესაბამისად არც უფლებაა გაცემული.