11, სექტემბერი 2020 21:20:00
ბათუმში მოქმედი ადვოკატების მიმართვა საქართველოს პროკურატურას. მოითხოვენ, ქობულეთის პოლიციის სამმართველოს უბნის ინსპექტორ გამომძიებლების უფროსის, ირაკლი შაქარიშვილის მიმარათ გამოძიება დაიწყოს. ადვოკატები ამტკიცებენ, რომ ირაკლი შაქარიშვილი ეწევა დანაშაულებრივ საქმიანობას, კერძოდ, ფიზიკური ანგარიშსწორებით ემუქრება ერთ-ერთ ადვოკატს, მერი ცინარიძეს და ხელს უშლის საადვოკატო საქმიანობაში. ადვოკატები ამტკიცებენ, რომ პოლიციელი ხუთი წლის წინ ცინარიძემ გაასამართლა, რის გამოც ძალოვანს შურისძიება ამოძრავებს. ირაკლი შაქარიშვილთან პრეტენზიები აქვთ ადგილობრივების ნაწილსაც. ამბობენ, რომ იგი ხშირად მიმართავს ძალადობრივ მეთოდებს, რისთვისაც პასუხისგებაში არ ყოფილა.