22, სექტემბერი 2020 16:56:00
კორონავირუსის 218 ახალი შემთხვევიდან 137 აჭარაში დადასტურდა. დღეის მდგომარეობით, ბათუმის ჰოსპიტლებში 550-მდე პაციენტია მოთავსებული, მათგან 21 ორსულია ერთი კი ახალშობილი. რეგიონში მოქმედ კოვიდსასტუმროებში 578 პირი იმყოფება, გამოჯანმრთელდა 14 ადამიანი. აჭარის საზოგადოებრივი ჯანდაცვის ცენტრის დირექტორის მოადგილის განცხადებით, კორონავირუსის რამდენიმე შემთხვევა გამოვლინდა აჭარის მუნიციპალიტეტებში, ხოლო დანარჩენი შემთხვევები უკვე დადასტურებული პაციენტების კონტაქტებია. ნონა ეფაძის თქმით, დღეს კოვიდსასტუმროების დასატოვებლად 100-ზე მეტი პაციენტი ემზადება.