23, სექტემბერი 2020 20:19:00
ბათუმში, ჭავჭავაძის ქუჩაზე ავტობუსის გაჩერება გზის გამყოფ ზოლზე მოეწყობა - ამას ქალაქის საგზაო მოძრაობის ახალი სქემა ითვალისწინებს. ერთი ასეთი გაჩერება საკათედრო ტაძრის მოპირდაპირე მხარეს, ჭავჭავაძისა და თავდადებულის ქუჩების კვეთასთან მოეწყობა. მეორე კი "თბს ბანკის" მოპირდაპირედ.
ცნობისთვის, საგზაო მოძრაობის სქემაში დაგეგმილი ცვლილებები ბათუმის მუნიციპალიტეტის და გაეროს განვითარების პროგრამის პროექტ „მწვანე ქალაქების“ ფარგლებში ხორციელდება. პანდემიის გამო, შეფერხებული პროცესი ნელ-ნელა აღდგება და სიახლე ქალაქში ოქტომბრის ნაცვლად დეკემბერში დაინერგება.
1
s
s
s