24, სექტემბერი 2020 15:56:00
კორონავირუსით გარდაცვალების 26-ე შემთხვევა ბათუმში დაფიქსირდა. 70 წლის კაცი, რესპუბლიკურ საავადმყოფოში, 17 სექტემბერს, კრიტიკულ მდგომარეობაში მიიყვანეს. მას თანმდევი, გულის იშემიური და ფილტვის ქრონიკული ობსტრუქციული დაავადება ჰქონდა. ამ ეტაპზე სამედიცინო დაწესებულებაში მძიმე მდგომარეობაში 3 პაციენტი იმყოფება. რაც შეეხება ინფიცირებულთა რიცხვს, კვლავ რეკორდულად იზრდება. ბოლო 24 საათის მონაცემებით, რეგიონში 164 პირი დაინფიცირდა. შემთხვევები დადასტურებული პირების კლასტერები არიან. ბათუმის ჰოსპიტლებში 497 პირია მოთავსებული, კოვიდსასტუმროებში კი 700.