ციტრუსის სეზონი ახლოვდება. ფერმერები ნარინჯისფერი რთველისთვის ემზადებიან. პანდემიის ფონზე, ახლა მეციტრუსეებს აწუხებთ კითხვა: ხომარ შეექმნებათ კულტურის რეალიზაციის პრობლემა ან რამდენად ხელსაყრელ ფასად გაყიდიან მანდარინს? დარგის ექსპერტებს მთავარ გამოწვევად ახლა ექსპორტი მიაჩნიათ. აჭარის სოფლის მეურნეობის სამინისტროში კი ამტკიცევენ, რომ ციტრუსის ქვეყნიდან გატანა არ შეფერხდება. რეპორტაჟი მზად არის.
რევაზ ლომინაძე ერთ-ერთია ასობით მეციტრუსე ფერმერს შორის, რომლისთვისაც მანდარინის რეალიზაციით მიღებული შემოსავალი, წლის განმავლობაში ყველაზე სოლიდურია. ამის იმედი აქვს წელსაც, თუმცა, პანდემიის ფონზე, ვერ პროგნოზირებს რამდენად ადეკვატურ ფასად შეძლებს მოსავლის გაყიდვას.
წელს, მეციტრუსე ფერმები იმაზე ნაკლებ მოსავალს ელოდებიან, ვიდრე გასულ წელს. ისედაც მცირე მოსავალი წელს სეტყვამაც დააზიანა, თუმცა ჯემალ მეგრელიძეს ფაქტიურად განახევრებული მოსავლის რეალიზაციის იმედიც არ აქვს. შიშობს, რომ ვერც სახელმწიფო დახმარებას მიიღებს.
ფერმერებს ყველაზე მეტად ციტრუსის ექსპორტის საკითხი აფიქრებთ. ექსპორტის ხელშეწყობას თვლის, სოფლის მეურნეობის სამინისტროსთვის მთავარ გამოწვევად დღეს დარგის ექსპერტიც.
აჭარის სოფლის მეურნეობის სამინისტროში ფიქრობენ, რომ წელს რეგიონიდან უცხო ქვეყნებში გასაყიდად 25 000 ტონაზე მეტი ციტრუსი გავა. ამბობენ, რომ პანდემიის მიუხედავად, ადგილობრივი 15-მდე ქვეყნის ბაზარზე გავა.
აჭარის სოფლის მეურნეობის სამინისტროს ინფორმაციით, სუბსიდირებით მეციტრუსე ფერმერები წელსაც ისარგებლებენ. სამინისტრო გეგმავს 4 000 ტონა არასტანდარტული მანდარინის სუბსიდირებას.
11
s
s
s