16, ივნისი 2017 17:13:00
ინვესტორები სამომავლოდ, აღებული ვალდებულების შესრულების და გადავადების თავიდან აცილების მიზნით ქონების იპოთეკით დატვირთვას შეძლებენ. აჭარის ფინანსთა და ეკონომიკის მინისტრის განცხადებით, შესაბამის კანონპროექტზე უკვე მუშაობენ. რამაზ ბოლვაძის თქმით, ინვესტორი იმ შემთხვევაში ისარგებლებს ქონების იპოთეკით დატვირთვით, თუ მას საპრივატიზაციო ობიექტის საფასური უკვე გადახდილი ექნება. საკითხის პირველი მოსმენა უმაღლესი საბჭოს საგაზაფხულო სესიის ბოლო სხდომაზე გაიმართა.