28, სექტემბერი 2020 18:24:00
აჭარაში კორონავირუსს 2 ადამიანის სიცოცხლე ემსხვერპლა. შესაბამისად, ქვეყანა უკვე 32 გარდაცვლილს ითვლის. ორივე კაცი ბათუმის რესპუბლიკურ საავადმყოფოში მკურნალობდა. პაციენტების მდგომარეობა კლინიკაში შეყვანისთანავე რთულად შეფასდა, რადგან მათ თანმდევი ქრონიკული დაავადებები ჰქონდათ. როგორც სამედიცინო დაწესებულების კლინიკურმა მენეჯერმა განმარტა, საავადმყოფოში ყველა შესაბამისი ღონისძიება გატარდა, თუმცა მდგომარეობის სირთულიდან გამომდინარე, პაციენტების გადარჩენა ვერ მოხერხდა. გია კიკაბიძის ინფორმაციით, ამ ეტაპზე რეანიმაციულ განყოფილებაში 22 პირია მოთავსებული.