30, სექტემბერი 2020 17:18:00
ხალხის რჩეულ კუპატას ღვიძლის გაცხიმოვნება და წონის პრობლემა აქვს. ამის შესახებ, სოციალურ ქსელში, ვეტერინარი წერს. გიორგი კალანდაძის თქმით, ჯანმრთელობის პრობლემა ძაღლს არასწორმა კვებამ შეუქმნა. ამჟამად კუპატას კვებასა და ჯანმრთელობაზე სპეციალისტები ზრუნავენ. ისინი მოსახლეობას მიმართავენ, არ დაარღვიონ ოთხფეხა მეგობრის კვების რაციონი და არ შეუქმნან საფრთხე მის ჯანმრთელობას. ძაღლი, სახელად კუპატა, მას შემდეგ გახდა ცნობილი, როცა ერთ-ერთმა ბათუმელმა გადაიღო ვიდეო, თუ როგორ ეხმარებოდა ძაღლი ბავშვებს ზებრაზე გადასვლაში და როგორ უყეფდა მძღოლებს, რომლებიც ქვეითთა გადასასვლელზე პატარებს გზას არ უთმობდნენ. კუპატა, ერთი წლის წინ თითქმის მთელმა მსოფლიომ გაიცნო.